Instagram teston ndryshimin e ri të fshehjes së numrit të pëlqimeve

Instagram bëhet gati për ndryshime të tjera. Pas opsionit të ri, që nuk do t’i lejojë përdoruesit të postojnë komente me përmbajtje ofenduese, një masë kjo për të parandaluar bullzimin, tani ata do të tentojnë të fshehin numrin e pëlqimeve nëpër foto.

Kjo do të thotë se përdoruesit e rrjetit social, në postimet e tyre nuk do mund të shohin më numrin e atyre që e kanë pëlqyer por vetëm emrat, nëse klikojnë tek “others”.

Ky vendim është marrë pas disa shqetësimeve, të cilat bëjnë me dije se numri i pëlqimeve apo i komenteve që marrin të rinjtë dhe adoleshentët në postimet e tyre dhe krahasimi që i bëhet, mund të kontribuojnë në vetëvlerësimin e ulët dhe ndjenjat e pamjaftueshmërisë.

Update-i është në proçes testimi në disa vende si Australia, Zelanda e Re, Irlanda, Italia, Japonia apo Brazili dhe shumë shpejt pritet të bëhet në të gjithë vendet ku ka përdorues të rrjetit social. Sipas Mia Garlick, që është drejtuese e politikës së kompanisë “mëmë” Facebook, për pjesën e Australisë dhe Oqeanisë, qëllimi i këtij opsioni të ri është të largojë presionin që shpesh krijohet, nga numri i pëlqimeve që merren në postime. 

“Qëllimi është që përdoruesit të ndihen më pak të gjykuar dhe të shohim nëse ky ndryshim mund të ndihmojë njerëzit të përqëndrohen më pak te pëlqimet dhe më shumë në tregimin e historisë së tyre”- shprehet Garlick.

Atyre që ky ndyrshim mund të mos i pëlqejë janë ata që bëjnë biznes nëpërmjet Instagram-it, duke qenë se numri i “likeve” është i rëndësishëm për punën e tyre. Megjithatë kompania tha se kjo gjë nuk do të ndikojë në mjetet e matjes së të bërit biznes dhe përdoruesit do mund ta shohin ende listën e njerëzve që kanë pëlqyer një postim, edhe pse vetëm me emra. /Blitz.al/

E dini arsyen e vetme që ju pengon të bëheni të suksesshëm?

Kur bëhet fjalë për arritjen e qëllimit dhe suksesit, shumica e njerëzve priren të përqëndrohen në plane afatshkurtra duke ngushtuar kështu mundësitë për të qenë i sukseshëm.
Në kërkimin e tyre për sukses, shumica e njerëzve priren të kenë pakënaqësi me gjendjen e tyre aktuale dhe tentojnë të përqëndrohen në dështimet e tyre, në vend që të jenë pozitivë dhe të sigurt.
Njerëzit shumë të suksesshëm, nga ana tjetër, përdorin një metodë të vertetuar shkencerisht që mbështeten vetëm te performancat e tyre të larta.
Të jesh mirënjohës siç duket ndikon në gjendjen tuaj emocionale duke ju bërë me optimist dhe duke i dhënë gjithçkaje që ndodh në jetën tuaj. Kjo është mbështetur edhe nga hulumtimi i shkencave psikologjike që zbulon se mirënjohja është fuqimisht dhe vazhdimisht e lidhur me lumturinë më të madhe të një individi.
Prandaj, mirënjohja rrit shanset për të arritur sukses ndërsa përpiqeni të bëheni më të mirë në atë që bëni. Siç ka thënë Oprah Winfrey: "Jini mirënjohës për atë që keni; kështu do të keni më shumë. Nëse përqendrohesh në atë që nuk ke, asnjëherë nuk do të jesh i kënaqur”.
Nga ana tjetër, nëse nuk jeni mirënjohës, keni tendencën për të mbajtur një mentalitet negativ, i cili do ta pengojë thellësisht rritjen tuaj.

Ndiq këto këshilla:

Krijo një listë mirënjohje

CEO i Facebook Mark Zuckerberg e pranon këtë sjellje si një aspekt të rëndësishëm të suksesit të tij. Në fakt, gjatë përvjetorit të 10-të të Facebook, ai zbuloi se si ai sfidoi veten për të shkruar një shënim falënderimi çdo ditë, sepse ai beson se kjo është një mënyrë për t'i bërë gjërat më mirë. Ju mund të filloni të shkruani në një listë për gjërat që jeni mirënjohës që i keni në jetën tuaj, qoftë persona, gjëra materiale apo arritje. Ju mund të ktheheni listës që keni bërë dhe të shihni se sa duhet të jeni mirënjohës edhe për momentet kur ndiheni të dekurajuar.

Mos harroni dështimet tuaja
Ndërsa është në natyrën tonë të kemi frikë nga dështimi, ne mund ta kthejmë atë duke e përdorur atë si një mjet për të qenë më mirënjohës në jetë. Kur kujtojmë vështirësitë tona, sfidat me të cilat ballafaqohemi, ose momentet që u mposhtën, mendojmë për sa kemi arritur dhe për të gjithë ndihmën që morëm gjatë rrugës.
Duke parë se ku keni dështuar ju do ta keni më të lehtë për t’u përmirësuar. Është e rëndësishme për të mësuar nga gabimet e kaluara dhe të ecni përpara. "99% e suksesit është ndërtuar mbi dështimin". - Charles Kettering.

Kontrolloni mendimet tuaja
Ndonjëherë, truri ynë na manipulon për të menduar për skenarët "Po sikur" apo "çfarë mund të kishte ndodhur nëse". Këto mendime nuk do t’ju bëjnë aspak mirë, por do t’ju bëjnë të ndjeni keqardhje për veten tuaj, gjë e cila mund të shkatërroj produktivitetin tuaj. Përpiquni të mendoni më shumë për qëllimet tuaja në jetë, shmangni mendimet negative dhe qëndroni optimist .

Kur vetëvlerësimi kthehet në boomerang
Sigurisht është mirë të kesh besim të mjaftueshëm në aftësitë e tua, por ndonjëherë vetëbesimi i madh kthehet në boomerang. Nëse dëshironi të jeni të suksesshëm, keni nevojë për ndihmë nga njerëzit përreth jush. Në vend që t'i atribuoni vlera vetëm vetës tuaj, mendoni se si mund të nxisni bashkëpunimin në vendin tuaj të punës.

Shmangni ankesat

Ankimi ndoshta mund të jetë armiku numër një i mirënjohjes. Është diçka që ju ndalon të shihni anën e mirë të gjërave. Kjo ju ngadalëson kur jeni duke u përpjekur të punoni për diçka, sepse në vend që të fokusoheni në atë që dëshironi të arrini, fokusoheni në faktorë të tjerë të panevojshëm.
Gjeni guximin të pranoni që nuk do të jeni gjithmonë në një situatë perfekte, por të shfrytëzoni sa më shumë nga ajo dhe të mësoni sa më shumë që mundeni për çdo përvojë.

Përqafoni të metat tuaja
Edhe nëse kjo tingëllon klishe, duhet ta fiksoni se askush nuk është i përsosur. Gabimet apo të metat tuaja ju bëjnë unik dhe të dalloni nga të tjerët. 

Manderina Promotions flet me intellinews.com për turizmin në Shqipëri

Turizmi përtej plazhit në Shqiperi/ Tourism beyond the beaches in Albania
Nga Clare Nuttall/ Intellinews

Gazetarja Clare Nuttall e Intellinews flet me disa aktorë të turizmit në Shqipëri, Ajo interviston edhe znj Alma Gërxhani dhe znj.Eva Kushova, drejtueset e Manderina Promotions, kompani PR dhe marketing në Tirane që ka krijuar dhe portalin turistik Visit Tirana.  

Turizëm përtej plazhit në Shqipëri

Vendet e Europës Lindore dhe shtetet fqinje Ballkanike ofrojnë shumë paketa turistike për sezonin e verës nëpër plazhe, ndërsa Shqipëria gradualisht është duke diversifikuar paketat turistike.

Turizmi dhe industritë e ngjashme tashmë përbëjnë më shumë se një të katërtën - 26.2% të GDP-së së Shqipërisë, një përqindje e lartë, e cila i konkurron me destinacionet kryesore turistike si Greqia, Italia dhe Turqia, sipas të dhënave nga Këshilli Botëror i Udhëtimeve dhe Turizmit (WTTC) . 

Megjithatë, njerëzit e kësaj industrie besojnë se ka potencial të madh për të zgjeruar llojet e turizmit që ofrohen dhe të qëndrojnë larg pakteva të pushimeve tradicionale.

"Numri më i madh i turistëve vijnë për bregdetin dhe janë kryesisht turistë nga Evropa Lindore, por edhe Kosova dhe Maqedonia", thotë Alma Gerxhani nga ‘Manderina”, kompania e Marketingut dhe PR që ka krijuar portalin www.visit-tirana.com 

"Edhe pse ka patur gjithmonë grupe udhëtarësh perëndimorë të interesuar për turizmin kulturor - ata që vizitojnë vendet e UNESCO të Shqipërisë - sërish shifrat janë ende të vogla". Dy bashkë-themelueset e Manderina, Alma Gërxhani dhe Eva Kushova kane listuar potencialet për turizmin në Tiranë, duke shtuar turizmin e aventurës, udhëtimet në natyrë, rafting, alpinizëm, ecje, ture me biçikleta, hipizëm  dhe llojet e tjera të pushimeve.

"Sot shumica e turistëve janë të përqendruar në muajt e verës, shumica e pushuesve janë nga Europa Lindore, që vijnë prej paketave një ose dy javore pushime në plazh”, shprehet Matteo Colangeli, kreu i zyrës së EBRD në Tiranë, në një intervistë me IntelliNews.

"Sigurisht, ky vend ka potencial mund të ofroj më shumë se kaq, duke tërhequr njerëzit në pjesët e tjera të Shqipërisë. Shqipëria ka natyrën, malet, ushqimin dhe kulturën, kështu që mund të tërheqë turistë të pavarur dhe që paguajnë më shumë, dhe të mos synojë vetëm turmën e turistëve me paketa të përfshira të gjitha.”

 

Amfitatri i Butrintit UNESCO. Burimi: Pudelek

Problemi imazhit i Shqipërisë

Themeluesit kompanive të pavarura turistike thonë se ata kanë të bëjnë me njerëz që tashmë janë të vetëdijshëm për atraktivitetin e Shqipërisë, qoftë kulturë, natyrë, kuzhinë apo mundësitë për sportet në natyrë dhe aventura. Por udhëtarët e tillë janë të paktë. Për pjesën më të madhe, Shqipëria ka një problem të imazhit me varfërinë dhe krimin, dy fjalë qe e shoqëron imazhin e vendit. Dhe mbi të gjitha, ka pasur një dështim për të promovuar turizmin e vendit përtej pushimeve të plazhit.

Që nga rënia e komunizmit, thotë znj Gërxhani nga Manderina Promotion, bordi turistik dhe operatorët turistikë zgjodhën opsionin më të lehtë të marketingut turistik: "plazhet jugore që duken si Greqia, por janë më të lira". Ka pasur një përpjekje për të bërë këtë lidhje dhe referencë me plazhe ku njerëzit ndjehen shumë të sigurt kur shkojnë në pushime. Por unë do të theksoja më shumë përvojat lokale, do të doja të theksoheshin mundësite që pushimet të shtriheshin përtej plazheve tek qytetet UNESCO dhe zonat rurale. Kjo do të ishte shumë më e dobishme për komunitetet lokale, "thotë ajo.

Themeluesit e Manderinës thonë se në kryeqytetin shqiptar nuk kishte pothuajse asnjë informacion në gjuhën angleze, kështu që ata filluan portalin e Visit Tirana, duke ndjekur modelet e vendeve të suksesshme për qytete si Kopenhagen. Kjo u bë krejtësisht me iniciativën e tyre dhe më vonë tërhoqi vëmendjen e kryetarit të Bashkisë së Tiranës, Erjan Veliaj, i cili përshëndeti ekipin e Manderinës për promovimin e qytetit, duke u shprehur se "shpeshherë Visit Tirana e bën më mirë këtë promovim sesa disa prej nesh në Bashki që janë të ngarkuar për ta bërë këtë punë!"Plani tani është ky vizion të zgjerohet në të gjithë Shqipërinë.

E pyetur se përse njerëzit duhet të vizitojnë Shqipërinë, znj Gërxhani rendit disa arsye: "Natyra është e bukur, kultura e pasur, ne jemi shumë të lashtë, kemi qenë këtu prej shumë kohësh, gjuha jonë është një nga më të vjetrat në botë. Njerëzit janë një nga pasuritë tona më të mëdha, shumë mikpritës, mikpritje të vërtetë, ketu turistët nuk konsiderohen si klient, por si miq. Banorët lokale edhe nëse nuk kanë shumë për të ofruar, përsëri mundohen të ofrojnë diçka "

Znj. Eva Kushova ofron një perspektivë shtesë: "Tani Tirana ka tjetër liri, tjetër frymë, një atmosferë ndryshe vecanërisht me gjallërinë e të rinjë. Qyteti është plot me njerëz që e shijojnë jetën. Ne kemi vuajtur shumë dhe tani po ecim gradualisht, dhe ky ndryshim është shumë interesant për t'u parë edhe nga turistët".



Tirana's central Skenderbeg Square

Përballja me një fluks turizmi

Ka tregues pozitivë dhe evente të shtuara, si psh Festivali që organizoi Visit Tirana për fotografinë, një Festival vjetor me fotot e postuar në konkurset e mediave sociale, ku janë angazhuar të rinj, të huaj dhe shqiptarë, gjë që tregon një interes të shtuar për të tilla evente promovuese.
Të dhënat nga agjencia shtetërore e statistikave Instat tregojnë një rritje të vazhdueshme të numrit të turistëve që vizitojnë Shqipërinë çdo vit, me ardhjen e turistëve të huaj deri në 15.8% më shumë se në vitin 2018. Megjithatë numri gjithnjë e më i madh i të sapo ardhurve ka hedhur nxjerrë në pah dhe probleme në zonat me infrastrukturë jo të zhvilluar.

Infrastruktura është një çështje për kompanitë në të gjithë ekonominë, me turizmin jo më pak të prekur nga sektorët e tjerë. "Natyrisht, ka potencial, por ka shumë që duhet bërë për të shfrytëzuar potencialin. Sigurisht, infra është një çështje e madhe,”- thotë Colangeli i EBRD-së, duke përmendur infrastrukturën e energjisë dhe infrastrukturën komunale siç është menaxhimi i ujit në krye të çështjes së dukshme të infrastrukturës së transportit.

Për shembull, nga aeroporti i vetëm ndërkombëtar i Shqipërisë në Tiranë, në plazhet e Shqipërisë jugore, është një udhëtim që zhgjat pesë deri në gjashtë orë. Megjithatë, Shqipëria ka të ngjarë të ketë të paktën një aeroport shtesë para se të ketë plane për të ringjallur aeroportin e papunë në Kukës dhe për të ndërtuar një aeroport të ri në qytetin bregdetar të Vlorës.

Në anën tjetër, thotë Gërxhani, "kalimi i fokusit nga plazhi tek aventura dhe atraksionet ne brendesi te vendit është një zgjidhje e mirë”. 
Dedmdreaj bën një pikë të ngjashme, duke thënë se udhëtimet 4WD janë shume të pëlqyera nga turistet e adventurës, pasi ato bëjnë të mundur për të vizituar pjesë të Shqipërisë ku "edhe shumica e shqiptarëve ende nuk e kanë vizituar ".

Kush përfiton nga turizmi?

Turizmi është një nga sektorët më të mëdhenj të ekonomisë shqiptare, dhe - së bashku me energjinë - ishte një nga kontribuesit kryesorë të rritjes më të shpejtë nga sa pritej në gjysmën e parë të vitit 2018.

Turizmi është gjithashtu i rëndësishëm edhe në një nivel mikro. Z.Cakoni i Good Albania vlerëson se një vizitë e vetme ne nje vend rural vlen dy muaj rroge për një familje atje. "Është shumë e rëndësishme për këto zona rurale dhe për familjet që të marrin mbështetje nga ky lloj turizmi", thotë ai.

Por, ai beson se jo të mjaftueshme nga të ardhurat nga turizmi është duke shkuar drejt komuniteteve lokale. "Ne duhet të bëjmë një punë shumë më të mirë në theksimin e asaj që është më e mirë për Shqipërinë dhe të mos përqëndrohemi te mysafiri i përkohshëm që dëshiron të shohë qytetin me guide. Ata kontribuojnë me 10-20% të çmimit të turit tek njerëzit lokalë, pjesa tjetër shkon tek restorantet e mëdha, hotelet, operatorët turistikë. Me të vërtetë duhet të bëjmë një punë më të mirë duke u përqendruar më shumë tek njerëzit vendas sesa në qytetet dhe strukturat e medha turistike".

Cilat jane trendet e Marketingut Dixhital per 2019?

Mediat sociale absolutisht kane pushtuar tashme cdo industri, dhe bizneset nuk mund ta injorojne dot si platforme per te reklamuar produktet e tyre. Qe te bejne fushata per te shitur produktet apo sherbimet te konsumatori ata duhet te dijne trendet e vitit qe sapo hyme, ose tia lene ne dore kete, kompanive te specializuara per Dixhital Marketing. Ne po japim disa trende si po ndryshojne mediat sociale kete vit

Facebook
Facebook eshte platforma numer nje ne bote. Absolutisht me e perdorshmja qe nga Amerika e deri ne Kine. Por tashme te rinjte dhe pse e kane nje llogari, nuk kane qejf ta perdorin. Hyjne e kontrollojne por nuk e perdorin masivisht. Nderkohe perdoruesit me te medhenj jane moshat e dyta dhe te treta. E ndersa konsumatori me i madh i shume produkteve jane te rinjte, ata qe merren me marketing duhet ta kene parasysh se ku e gjejne audiencen e duhur, per fushaten e duhur.

Instagram
Platforma me rritjen me te shpejte ne bote. Dhe pse i perket serish te njejtit pronar, pra Zuckenbergut, Instagrami eshte me i lehte per tu perdorur nga gjithe moshat. Mjaft nje foto me celular, dhe e hedh direkt ne Instagram. Aty madje po perfshihen te rinjte, dhe femijet dhe eshte nje platforme disi me e sigurt dhe per ta. Instagrami po forcon mjetet e veta te reklamimit, dhe mbetet nje menyre shume e shpejte per te shkuar te konsumatori

Video
Video marketing eshte e domosdoshme per bizneset. Ne nje video mund te thuhet ajo qe nuk shprehet me shume fjale. Rreth 73% e amerikaneve shohin video, ne Youtube. Shumica e tyre jane krijuar nga kompanite qe merren me dixhital marketing. Dhe jo vetem ne Youtube, por dhe ne Facebook, videot jane shume te rekomanduara dhe te shikuara.

Live video
Kjo ndahet nga video dhe gjithnje preferohet shume, pasi ju ben juve percjelles te nje lajmi te fundit, dhe jep emocionin e dickaje reale qe po ndodh. Vecanerisht kur ne live streaming perfshihet nje influencer, pra nje person i famshem, sigurisht efekti eshte shume me i madh

Kontenti ende vlen
Mund te postosh sa te duash, por nje kontent i mire bie ne sy dhe krijon audience fikse dhe te besuar. Lexuesit bejne dallimin se ku kontenti eshte i kuruar dhe i besueshem.

Email i personalizuar
Emali eshte menyra me popullore e komunikimit te institucioneve, korporatave dhe gjithe ceshtjeve te biznesit. Nderkohe email marketing duhet te jete i personalizuar. Nese sot dergon nje email prezantues, neser duhet ta vazhdosh me cmimin e produktit, dhe me nje demo si funksionon ai. Pra nuk duhet te mjaftohet vetem me nje email

Voice interaction
Google i ka dhene mundesine njerezve te kerkojne dicka dhe ajo te shfaqet menjehere. Por vec google ka platforma te tjera si Siri, Alexa etj. Kjo tendence do vazhdoje dhe keto platforma do permiresojne rezultatet qe ato nxjerrin per kerkesat e klienteve

Vit te mbare per gjithe kompanite qe merren me Dixhital Marketing
Manderina staff